نقاش نيو طنطات ..( سوفاج ) ..؟!!

خليل صارم · #1 06-28-2009, 09:08 PM

في إحدى الكافتيريات ..نسمع النقاش التالي .
- شفت شو عمل هيدا اللي إسمو الزيدي . ؟
... نو نيفر .. شو عمل ..؟
- بحياة المامي.. ما عرفت . ؟!!
... نو ..نيفر .. انت بتعرف إني مابحب شوف الأخبار.
- ضربو لأنكل بوش بالشوز ..
... ياي عليه شو وحش .. !! ياي .. ياي ..سوفاج . !! امبوسيبال .. مش معقول .!!
- لأ ومش بفردة واحدة ..بالفردتين .!!
... يوه كماااان .. ياحرام .. أنا بحب انكل بوش .. بدي قووول ليش المامي كانت زعلانة ومنرفزي ..والبابي كمان كان عم بيقول هيدول السوفاج مابيلبقلهم ديموكراسي ولا فريدوم .
- وانا كمان بحب انكل بوش .
... آي نو .. آي نو ماي دير .. هيدول ناس متخلفين عمرهم ماحيصيروا فري .
- تصور ياماي دير ..والأنكل بوش ماعمل شي ..صار يضحك .
... شايف شو إنو هاي .. واحد جايي يعمل الهم فري وديموكراسي ونايت كلوب .. وكنتاكي متل أمريكا اكزاكتلي .. شور ..شور ..أنا بحب أنكل بوش .
- لأ وكمااان فيه ناس مبسوتين كتير وعم بيصفقوا لهيدا الزيدي .
... هيدول سوفاج متلو .. مابيحبوا أنكل بوش ... سو أنا بحب أنكل بوش .
- بتعرف أنا مابتمنى ابقى هون .. أنا بدي روح على أمريكا وماإرجع .
... أوه ماي جود .. وأنا كمان .. ياريت بقدر روح ..وبيعيش الواحد فري .. مش متل هون .
- دخيلك انتو مين بدكم تنتخبوا . ؟
... أوه ماي جود .. أكيد ..شور .. نحنا مع الأونكل ..؟.. والأونكل ..؟.. لأنهم بيحبوا أنكل بوش .. سو.. وي .
- ونحنا كمان مع الأونكل ..؟.. .. دخيلك مش كلهم سوا . بيحبوا أنكل بوش .
... شور ماي دير .. لأنو الأونكل بوش صاحبهم .. مش أحسن من هيدول تبع المعارضة .
- شور ماي دير .. لأنو هيدول تبع المعارضة بيظلوا يتقاتلوا مع إسرائيل ومابيحبو الأونكل بوش ياللي بدو كلنا نتصالح مع إسرائيل ونعيش سوا ..سوا ..
... دخيلك نحنا شو دخلنا بالفلسطينيين .. ؟
- صحيح شو دخلنا فيهم .. نحنا بدنا نعيش فري ونصير فرند مع الاسرائيلييه .. مابدناش المعارضة ..ياي شو قاسيين هيدول المعارضة .. سوفاج .. وإذا نجحوا بدي سافر وماإرجع أبدا ً .
... سو..مي .. كمااان .
- بتحبو . .وأنا بحبو ..والمامي كمااان ..
... ياي عليك شو حلو . وأنا بحبو .. والمامي تبعي كمان وماي سيستر كمان بتحبو .. وكلنا - كلنا منحب انكل بوش .
ينتبه الى هذا النقاش عامل الكافيتيريا فيتقدم منهم غاضبا ً .. قوم ولاااه .. تضرب منك إلو ..إلو .. للأنكل وللمامي .. مش ناقصة الحكاية غير الطنطات .
يخرجان .. شفتو ..ياي عليه شو وحش ..سوفاج .. بس شوبدنا ... مهضوم .. وشكله بيلعب رياضة .
- أي صحيح .. ياااااي .. لو كان ماي فرند .. آي لايك ذيس سيستم .

**حسام أحمد المقداد** · #2 06-28-2009, 09:51 PM

لا غرابة
رأيتهم ذات يوم وحمدت الله أن في أمتنا نساء حيقيات بأنوثة متكاملة ويسمعن النداء

سيدي
خليل صارم
دام نبض قلمك
ومن السخرية ما تبكي

علي السلواني · #3 07-07-2009, 12:01 AM

عجبهم السيستم

لاذعه لمجتمع مليء بهم
تحياتي استاذ خليل

ماجد بطاينه · #4 09-30-2009, 10:21 PM

الله ... يالخيزرانه ... والحوش المانع

تظل تسمط الواحد فيهم على قفاه حتى يقول بدي أصير زلمه والا الموت أحسن

ماجد بطاينه

**مرمر القاسم** · #5 02-09-2010, 12:26 PM

اقتباس:

المشاركة الأصلية كتبت بواسطة ماجد بطاينه

الله ... يالخيزرانه ... والحوش المانع

تظل تسمط الواحد فيهم على قفاه حتى يقول بدي أصير زلمه والا الموت أحسن

ماجد بطاينه

أستاذي ماجد ضحكتني و الله , أضحك الله سنك ,, الخيزرانه , ذكرتني بجدي الله يرحمو شو كان وحش سوفاج

أي كلمة مش في محله أيدو العصا و ألا مرا ربط أبن عمي و علقو بالسقف و هات ياضرب و أنا أتفرج و أضحك,

الأستاذ خليل صارم إذا كان الزيدي سوفاج وحش فأنا أسعد الناس به ,

العتب على الآباء و الأمهات المامي تبعهم كتير بتحبو للأنكل ما هيك..؟

هنا العجب و الله

أحيك أيها الرجل , أظن أن اللقاء بات قريباً بإذن الله و القهوة دوماً تنتظركم ,

محبتي و احترامي

مسافر زاده الخيال · #6 02-11-2010, 02:18 PM

قلبي على ولدي انفطر وقلب ولدي علي حجر

مامي اللي خلفته وخلته مايع ومايس

بابي اللي انتعل فاطس اللي خلفوه ليطلعه رجل

وبالاخر طلع خلقة هامل

اعتذر يا عزيزي لاستعمالي اللهجهـ العاميه

تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري