إعـــــــلان

تقليص
لا يوجد إعلان حتى الآن.

على سبيل الختام

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • على سبيل الختام

    [align=center]على سبيل الختام


    ولما ضاقت بي الدنيا جيتك.. كنت فاكرك هاتخديني بالأحضان وتبوسيني, كنت فاكرك هاترجعيلي ذكرياتي بتاعت زماااان, أيام ما كنت عيل وبلعب في حواريكي..
    لكن مالقيتكيش, ولقيت واد صغير واقف عند بابك, جلابيته مقطعة وقصيرة عند ركبتيه, وماسك في ايده عصاية بينبش بيها على وش ميه, مش عارف ليه, يمكن كان عاوز يرسم خريطة للعالم الجديد, أو كان بيكتب أحلامنا الخيبة..
    سألته عليكي.. بص لي بعينه المدمعة وقال انك مش عايزة حد, وقال كمان انك كنت ناوية تموتي ومعرفتيش, وعشان كده نويتي تموتينا.. وحطيتي السم في مية النيل.. !!
    ساعتها سألت نفسي, الواد ده كان بيدور على السم بعصايته, ولا كان بيدوبه في الميه ؟
    لعنت كل حاجة, وشلت جزمتي وضربت بيها الهوا, وقعت على راسي..
    رحت أدور عليكي علشان أقولك أي حاجة.. مالقيتكيش.. !
    وما عرفتش أقول ايه ولمين..
    يمكن لأنك في الأصل ما علمتنيش الكلام, وكنت دايما تعلميني السكات, وتضربي بيدك على فمي المليان..
    واغرق في بحر صمتك, أبص لأمانيكي في الهوا متبعترة, ألاقي حزنك ما حدش شايله الا انا.. ولأمتى ؟ ولحد فين ؟
    حاجات كتيرة مسكونة جوايا, خايف اقولها تغضبي.. كان نفسي اقولك تعالي نغني غنوة أمل ونخدع نفسنا.. أو حتى نضحك ونداري دمعنا..
    كان نفسي نسرق بكره من ايامهم ونزوق بيه حلمنا..
    اسمحيلي بقى اتكلم..
    اسمحيلي اقول ان قلبي شايل وطن بيدور على أرضه..!!
    وتنشال جبال الهم وتندك, يخرج من تحتها قلبي المقتول.. في شرايينه سهام الصهاينة, وف وريده الرمح العربي..
    وامد لك ايدي.. تعالي نطير وندب في المسافات.. لساك بتقولي لأ.. لساك فاكرة ان بكره جااااي.... ؟!!!
    يا حلوة يالي الهوا دلع راسك.. ياترى الوطن جه في يوم وباسك ؟
    ولا عندك أرض تطرح كرامة وتخاف على ناسك ؟
    صدقيني مرة واحدة لما اقولك ان بكره سرقوه, وامبارح قتلوه, والنهارده لغوه..
    وعلقوا على بابك حدوة حصان تمنع عنك الخير ونور العين..
    وجه وقت الختام..
    ماكنتش احب ان الختام يكون صرخة فزع من قلب يائس..
    كنت بحلم ان الختام يكون بوسة على جبينك وانت زهرة بتضحكي وبترشي عطرك على وشي..
    خلاص.. ؟!
    انتي كده رايحة للموت.. للإنتحار..!!
    بس ماكانش لازم تموتي وتقتلي الأمل اللي علشانه ولدتيني..
    لكن.............. ؟ ايه.......... ؟
    لساك بتعرضي عن كلامي ومش عايزة تسمعيني ؟
    حتى كلمة وداع.. !
    طب قولي مع السلامة, أو مع الموت.. ما انت أصل حضارتك الموت..
    مرة واحدة نفسي اسمع منك كلمة............. آه..
    نسيت ان لسانك حطتيه في التابوت..[/align]
    أضنتني الرؤى
    والعزف الموصول أضناني
    هل أكف عن عزف أوتار الزمان ؟
    أم أكف عن عزف الناي ؟
    أم أغض بصري لأرى صورتك تتشكل جنينا داخل رحم أفكاري..

  • #2
    رد: على سبيل الختام

    السيد حنفي، نص يحفل بالعديد من العلامات الدالة وما يميزه أكثر هو سموه بالعامية إلى مرتبة الإبداع..
    تحياتي

    تعليق


    • #3
      رد: على سبيل الختام

      المشاركة الأصلية بواسطة EL MOSTAFA DOUKARY مشاهدة المشاركة
      السيد حنفي، نص يحفل بالعديد من العلامات الدالة وما يميزه أكثر هو سموه بالعامية إلى مرتبة الإبداع..
      تحياتي



      اشكر مرورك الكريم استاذي الفاضل
      واشكر رقة كلماتك
      دمت مبدعا
      أضنتني الرؤى
      والعزف الموصول أضناني
      هل أكف عن عزف أوتار الزمان ؟
      أم أكف عن عزف الناي ؟
      أم أغض بصري لأرى صورتك تتشكل جنينا داخل رحم أفكاري..

      تعليق


      • #4
        رد: على سبيل الختام

        عدت سيدي للتواصل..
        لي رجاء:
        هل من جديد جميل إبداعك؟
        تحياتي

        تعليق


        • #5
          رد: على سبيل الختام

          الاستاذ السيد حنفي
          توحشناك
          رحيق

          تعليق


          • #6
            رد: على سبيل الختام

            لساك بتعرضي عن كلامي ومش عايزة تسمعيني ؟
            حتى كلمة وداع.. !
            طب قولي مع السلامة, أو مع الموت.. ما انت أصل حضارتك الموت..
            مرة واحدة نفسي اسمع منك كلمة............. آه..
            نسيت ان لسانك حطتيه في التابوت..
            __________________

            السيد حنفي ما هذا الوصف ... قاسي جداً

            نشتاقك جدا

            محبتي
            لايكفي أن تطرق باب الإنسانية لتحس بمجيئها نحوك , عليك أن تخطو تجاهها و التوقف عن الاختباء خلف الزمن,


            امرأة محتلة

            تعليق


            • #7
              رد: على سبيل الختام

              ما أروعه من نص

              قرأته كما لو أني أستمع لحكاية بلحن جميل

              قصة عميقة الدلالة والمعنى

              بانتظار جديدك




              تعليق


              • #8
                رد: على سبيل الختام

                [align=center]السيد حنفي

                قرأتك قاموس مفرداته تعني الكثير[/align]
                الكتابة هي فعل ممارس للحرية...

                تعليق

                يعمل...
                X