كان عندي قلم رصاص
و ورقه بيضا صغيره
و عنوان و ظرف أزرق
و طابع بريد بلا قيمه
عليه صوره ملك مخلوع
احترت كتير لمين أكتب
و القلم اتقصف
و الورقة طارت من هوا الشباك
و بقى الظرف و الطابع عليه مكسوف
من الخوف
و من رعشة الوقت
و الساعة الجبانة على الحيط تمشي بحذر
ورق النتيجه يعد أيام الحصار
و ايام جفاف القلب
و البلد النعسانة على الشط المغسول بالدم
كان الولد و البنت بينهم مسافة ليل
و حكاية صغيرة عن عفريت الساقية
و شجرة التوت الكبيرة
و نخلتين فى العلالي يحكوا عن اللى كانوا في يوم
يونسوا القمر
و النجمة تحكي لهم على بكره
و فنجان قهوه و سيجاره هوا
و حتة نار تدفيهم من الخوف
و البرد
هز الهوا ستاير بيت جدتي
حكى للناس عن الأسرار
عن البنت و الولد
و كلمة على الحيط ما يمحيها الزمان
مهما تغير الاهل و مهما تبدل السكن
كلمة : وطن
تحياتى .....شيرين
و ورقه بيضا صغيره
و عنوان و ظرف أزرق
و طابع بريد بلا قيمه
عليه صوره ملك مخلوع
احترت كتير لمين أكتب
و القلم اتقصف
و الورقة طارت من هوا الشباك
و بقى الظرف و الطابع عليه مكسوف
من الخوف
و من رعشة الوقت
و الساعة الجبانة على الحيط تمشي بحذر
ورق النتيجه يعد أيام الحصار
و ايام جفاف القلب
و البلد النعسانة على الشط المغسول بالدم
كان الولد و البنت بينهم مسافة ليل
و حكاية صغيرة عن عفريت الساقية
و شجرة التوت الكبيرة
و نخلتين فى العلالي يحكوا عن اللى كانوا في يوم
يونسوا القمر
و النجمة تحكي لهم على بكره
و فنجان قهوه و سيجاره هوا
و حتة نار تدفيهم من الخوف
و البرد
هز الهوا ستاير بيت جدتي
حكى للناس عن الأسرار
عن البنت و الولد
و كلمة على الحيط ما يمحيها الزمان
مهما تغير الاهل و مهما تبدل السكن
كلمة : وطن
تحياتى .....شيرين
تعليق