إعـــــــلان

تقليص
لا يوجد إعلان حتى الآن.

ملا عبود الكرخي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ملا عبود الكرخي

    هاي كتبها الشاعر المرحوم الملا عبود الكرخي قبل 70 سنة و عبالك هسة عايش ويانا و ديحجي وية الحكومة العراقية


    قيم الرگاع من هاي اللحه
    اتشوفه هيبه وعنده لحيه امسرحه
    يشتم ابلا خجل وبلا مستحه
    من ايحس المقعد اشويه اندحچ
    قيم الرگاع من ديرة عفچ


    برلمان اهل المحابس والمدس
    عگب ماچانوا يدورون الفلس
    هسه هم يرتشي وهم يختلس
    ولو نقص من راتبه سنت انعقچ
    قيم الرگاع من ديرة عفچ

    اتشوف واحدهم امعگل بالوقار
    وبالاصل تاريخه اسود وكله عار
    ابضرف ثلث اسنين مليونير صار
    ايريد عالوادم ايعبرله چلچ
    قيم الرگاع من ديرة عفچ

    گمت ما اعرف حماها امن الرجل
    ياهو التكضه اهو ايمثل العدل
    وگمنه نستورد الشلغم والفجل
    لان كلها ضلت اتدور ودچ
    قيم الرگاع من ديرة عفچ

    والله ضيعنه الصدگ من الچذب
    اتشوفه هيبه وحچيه المصفط عذب
    ياخذك وايردك ابشرق وغرب
    وبسچاچينه يدچك
    حيل دچ
    قيم الرگاع من ديرة عفچ

    حيل دوخني الحچي الماله ربط
    وصار عندي سكر وحصبه وضغط
    نفترش عاگول ونتغطه ابحسچ
    قیم الرگاع من ديرة عفچ

    گمت ما اميز الذيب امن الحمل
    امنين ما التفت گلبي يشتعل
    انه ما شايف شعب يتبع خبل
    شاب راسي وتيهت كل السچچ
    قيم الرگاع من ديرة عفچ

    يا حكومتنه الرشيده ام الوقار
    الفساد المالي عنوان الچ صار
    ندري جابوكم ابدبابه وقطار
    ليش ضليتوا سمچ ياكل سمچ
    قيم الرگاع من ديرة عفچ

    لازم انميز الزين امن الزلم
    وننتخب كلمن شهم صاحب علم
    ونرفض اللي يجي كل يوم ابفلم
    من ايشوف المنصب اشويه
    اندرچ
    قيم الرگاع من ديرة عفچ
    القـــدس لنـــا

  • #2
    رد: ملا عبود الكرخي

    بسم الله الرحمن الرحيم


    لازم انميز الزين امن الزلم
    وننتخب كلمن شهم صاحب علم
    ونرفض اللي يجي كل يوم ابفلم
    من ايشوف المنصب اشويه
    اندرچ
    قيم الرگاع من ديرة عفچ



    لا عاب هالحلك = وتعني (صح لسانك ) بالبغدادي


    وإنه لــــ عاشت الأيداي على هذا الطرح

    تعليق


    • #3
      رد: ملا عبود الكرخي

      [align=justify]
      صح لسانك يا الشاعر،

      وشكراً لك أخي الكريم الرائد على حسن الإختيار.[/align]
      [align=center]




      ليس الحب أن تكون بجانب من تحب لكن الحب أن تثق إنك بقلب من تحب.
      [/align]

      تعليق


      • #4
        رد: ملا عبود الكرخي

        سلام عليك اخي الرائد ورحمة الله وبركاته

        حسن اختيارك جميل وفي لذعاته بغدادية جريحة اخي الفاضل

        الركاع ... هو الاسكافي ... وحين ذهب الى قرية فطرية اسمها (عفج) في وسط العراق واراد ان يمارس مهنته وجد ان الناس في (ديرة عفج) كلهم حفاة فماذا يرقع لهم .. فقيل قيم الركاع من ديرة عفج

        تلك هي (ما اشبه اليوم بالبارحة) .. وقبل فترة كانت قناة الشرقية ..!! تبث اغاني المنلوجست الماسوني العراقي (عزيز علي) فكانت تلك المنلوجستات وكأنها تصف حال ايامنا وليس فترة الاربعينات والخمسينات ..!!

        ذلك يؤكد ان مصمم الامس هو نفسه مصمم اليوم .. والناس نيام .. فاسيس وبيكوا في 1919 خططوا لديارنا اسوأ حال .. وحشد دولي خطط لديارنا اسوأ حال ...!! وقومي نيام يستجيبون لكل ناقر طبل وعلى انغامه يرقصون ...

        ذلك ملح على الجروح اخي الرئد .. فلا حول ولا قوة الا بالله عسى ان تقوم صحوة بين اهلنا وقومنا لينفروا الى الله اولا فيحسن حالهم

        (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءاً فَلا مَرَدَّ لَهُ وَمَا لَهُمْ مِنْ دُونِهِ مِنْ وَالٍ)(الرعد: من الآية11)

        قبل ان نبكي على المظلومين في ديارنا علينا ان نرحم انفسنا ونكفكف الدموع ونفكر كيف نمحق الظالمين لان قانون الله حاسم حاكم .. سنرى انها اسهل من اي سهل يسير .. وهي المصالحة مع خالقنا

        (فَإِنَّ لِلَّذِينَ ظَلَمُوا ذَنُوباً مِثْلَ ذَنُوبِ أَصْحَابِهِمْ فَلا يَسْتَعْجِلُونِ) (الذريات:59)

        فالمظلوم له صاحب تكويني هو الظالم .. فلا مظلوم الا وصاحبه ظالم .. ولكليهما ذنوب .. فلن يمحق الظالم الا عندما يحسن المظلوم حاله مع الله

        فلا حول ... ولا قوة .... الا ... بالله ... ليس غيره .. ولاية ..

        سلام عليك
        قلمي يأبى ان تكون ولايته لغير الله
        قلمي يأبى ان يكون سمسارا لفكر مستورد
        قلمي يأبى ان يكون من غير القرءان
        لان القرءان بلسان عربي مبين

        تعليق


        • #5
          رد: ملا عبود الكرخي

          هؤلاء الشعراء فلاسفه....قبلها كتب الرصافي بالفلوجه وما فعله فيها الأنكليز وكأنه يروي مافعله الأمريكان بها بعد عشرات السنين..وكأن المخطط واحد والهدف واحد....وهذا عبود الكرخي يصف مايحدث اليوم بالعراق قبل حدوثه بسبعين عاما...

          يروى أنه أراد أن يشتري سمكه فأخذ يشم ذيلها ليتأكد أنها ليست (خايسه)..قالوا له المفروض أن تشم رأسها وليس ذيلها...قال...أنا متأكد أن الراس خايس لكني أردت التأكد أن الخيسه لم تصل الذيل....

          شكرا لك أخي الرائد
          آمنت بالله ايمانا عرفت به ان الزمان على الباغين دوار

          تعليق

          يعمل...
          X